Scorpian - A Deity
கொடிய விஷம் உள்ள கொட்டும் தேள் கூட ஒரு தெய்வமே ? சாந்திப்பிரியா நாம் கொடிய விஷம் உள்ள கொட்டும் தேளைக் கூட ஒரு கொடிய ஊர்வனப் பிராணி என்றுதானே நினைக்கின்றோம். ஆனால் அந்த தேள் கூட ஒரு தெய்வமாக மதிக்கப்படுகிறது என்பது எத்தனை பேருக்கு தெரியும்? ஆமாம் உண்மைதான் கொடிய தேளை உலகில் சில இடங்களில் தெய்வமாகவே கருதி வணங்குகிறார்கள். நம் இந்தியாவில் கர்னாடகாவின் கோலார் நகரில் மட்டும் அல்ல குல்பர்காவின் அருகில் உள்ள கண்டகூர் என்ற கிராமத்திலும் தேளை தெய்வமாக வணங்கி வருகிறார்கள். அவ்வளவு ஏன், எகிப்து நாட்டிலும் தேளை ஒரு தேவதையுடன் சம்மந்தப்படுத்தி ஆராதிக்கின்றார்கள். கோலாரம்மா ஆலயத்தின் வெளித் தோற்றம் கோலார் பெங்களூரில் இருந்து சுமார் 60 கிலோ மீட்டர் தொலைவில் உள்ளது. அங்கு வொக்க லிங்காயத்து இன மக்கள் அதிக எண்ணிக்கையில் உள்ளார்கள். அங்குள்ள கோலாரம்மா மற்றும் சோமேஸ்வரா என்ற இரண்டு ஆலயங்களையும் சோழ மன்னர்கள் கிட்டத்தட்ட 10 அல்லது 11 ஆம் நூற்றாண்டுகளில் கட்டி உள்ளார்கள். அந்த கோலாரம்மா ஆலயத்தில் உள்ள பிரதான தேவி பார்வதி எனவும்...
