Thursday, August 29, 2013

Mayil Ravanan

 முன்னுரை
வால்மீகி முனிவர் ராமாயணத்தை எழுதினர். அது புராணமாயிற்று. ராமாயணக் கதை உலகெங்கும் பல வடிவங்களில் புழங்கி வருகிறது. அது போலவே தமிழ் நாட்டிலும் வங்கத்திலும் பல ஆண்டுகளுக்கு முன்னர் ராவணனின் தாயாதி வழி சகோதரன் மயில் ராவணன் என்பவர் தன் சகோதரன் ராவணனுக்கு உதவ ராம லஷ்மணர்களை கடத்தி வந்து காளிக்கு பலி கொடுக்க முயன்ற நாட்டுப்புறக் கதை புழக்கத்தில் இருந்துள்ளது. பல்வேறு வருடங்களாக அது செவி வழிக் கதையாகவே கூறப்பட்டு வந்திருந்தாலும் தமிழ்நாட்டில் முதன் முதலாக 1958 ஆம் ஆண்டுகளில் மயில் ராவணனின் கதை எழுத்து வடிவில் வந்ததாக கூறுகிறார்கள்.

அதை கிராமப்புறங்களில் தெருக்கூத்து அல்லதுஒருவிதமான பொம்மலாட்டத்தின் மூலமே கூறி வந்துள்ளார்கள். அந்த பொம்மலாட்ட நிகழ்ச்சி பொம்மைகளைக் கொண்டு நடத்தப்பட்டது இல்லை. பதனிடப்பட்ட, தோல்களில் உண்மையான மனிதர் உயரத்தில் வண்ண உருவம் தீட்டி, வெள்ளைத் திரைகளுக்குப் பின்னால் வைத்து பெட்ரோமாஸ் விளக்கு ஒளியின் துணையைக் கொண்டு வெள்ளைத் திரைகள் மீது அவற்றின் உருவை அசைய வைத்து நிழல்லாட்டதின் மூலம் கதையைக் காட்டுவார்கள்.

அந்த நிழல் கலை தஞ்சாவூரை ஆண்டு வந்த மராட்டிய வம்சாவளி மன்னன் சரபோஜி என்பவர் காலத்தில்தான் தோல் பாவைக் கூத்து என்ற பெயரில் பெருமளவில் பரவி வந்துள்ளது என்று கூறுகிறார்கள். வறட்சி நிலவும் காலத்தில் பாவைக் கூத்து நடத்தினால் மட்டுமே மழை பெய்யும் என்ற நம்பிக்கை கிராமத்தில் நிலவியது என்ற நம்பிக்கையில் இதை நடத்தினார்களாம். தோல் பாவைக் கூத்து என்ற பெயரில் பெருமளவில் பரவி வந்துள்ள பின்னரே மயில் ராவணன் கதை தெருக்கூத்து எனும் நாட்டிய நாடகமாகவும் கிராமப்புறங்களில் நடத்தப்பட்டு வந்துள்ளது.

மயில் ராவணனின் கதைக்கான மூல ஆதாரம் எது என்பது தெரியவில்லை. அந்தக் கதை பண்டையக் காலத்தில் இருந்த ராமாயணத்தில் உள்ளதா என்பதும் தெரியவில்லை. ஆனால் அது ராமாயணத்தைப் போல பிரபலமாகவில்லை என்பதினால் உண்மையிலேயே அது ராமாயணத்துடன் எந்த அளவில் சம்மந்தப்பட்டுள்ளது என்பதும் சரிவர விளங்கவில்லை.

ஆனால் ராவணனுடன் சம்மந்தப்பட்ட மயில் ராவணன் என்பவன் இருந்துள்ளார், அவர் ராமாயணத்துடன் சம்மந்தப்பட்டு உள்ளார் எனவும் நம்ப இடமிருக்கிறது என்பதின் காரணம் மயில் ராவணனைக் குறித்த செய்தி விழுப்புரம் மாவட்டத்தில் பஞ்சவடி எனும் இடத்தில் உள்ள பஞ்சமுக ஆலயத்தின் தலப் பெருமையை இப்படியாக கூறுகிறார்கள்.

''ராமனுக்கும் ராவணனுக்கும் போர் நடந்தபோது அனைத்து செவ்னைகளையும் இழந்து நின்ற ராவணன் இன்னொரு அசுரனான மயில் ராவணன் என்பவனின் துணையுடன் போருக்கு கிளம்பினான். ராமரை அழிப்பதற்காக மயில் ராவணன் கொடிய யாகத்தை நடத்தத் துவங்கினான். அந்த யாகம் நடந்து முடிந்தால் ராம-லட்சுமணனின் உயிருக்கு ஆபத்து ஏற்படும் என்பதை அறிந்திருந்த விபீஷணன், யாகத்தை தடுத்து நிறுத்த ஹனுமாரை அனுப்புமாறு ராமரிடம் கூற, விபீஷணன் ஆலோசனையை ஏற்றுக் கொண்ட ராமபிரான் அனுமானிடம் அந்த யாகத்தை தடுத்து நிறுத்துமாறு கூற ஹனுமாரும் அங்கிருந்து கிளம்பிச் சென்றார். அப்படி செல்லும் முன் நரசிம்மர், ஹயக்கிரீவர், வராகர், கருடன், ஆகியோரை ஹனுமார் வணங்கி ஆசி பெற்றிட, அவர்களும் ஹனுமார் அந்த காரியத்தில் வெற்றி பெறுவதற்கு தத்தம் சக்தியை அவருக்கு அளித்தனர். அவற்றைப் பெற்றுக் கொண்ட ஹனுமாரும் பஞ்சமுகம் கொண்டு விஸ்வரூபம் எடுத்து யாகசாலைக்கு சென்று மயில் ராவணனை அழித்தார். (இந்த ஆலயத்தின் முகவரி : ஸ்ரீ ஜயமங்கள பஞ்சமுக ஆஞ்சனேயர் ஆலயம், பஞ்சவடீ-- 605 111, விழுப்புரம் மாவட்டம், தமிழ்நாடு )'' .

நாட்டுப்புறக் கதையில் கூறப்பட்டு வந்துள்ள மயில் ராவணனின் கதையும் ராமாயணக் கதையைப் போல பல திருப்பங்களுடன் காணப்படுகிறது. இதில் அனுமாருக்கு ஒரு மகன் இருந்தார் என்றும் அனுமானுக்கு முக்கிய கட்டத்தில் அவருடைய மகனின் உதவி இருந்ததினால்தான் அனுமானினால் ராம லஷ்மணர்களை மயில் ராவணனிடம் இருந்து மீட்க முடிந்ததாகவும் கதையில் கூறப்பட்டு உள்ளது. ஹனுமார் திருமணம் ஆனவரா இல்லை பிருமச்சாரியா என்பது தெரியவில்லை என்றாலும் 'கல்யாண ஆஞ்சனேயர்' என்ற அவதாரம் உள்ளது. கல்யாண ஆஞ்சனேயர் கோலத்தில் அவரை வேண்டி துதித்தால் திருமணம் விரைவில் நடக்கும் என்றும், புத்திரபாக்கியம் கிடைக்கும் என்றும் நம்பிக்கை உள்ளது.

சில புராணத்தில் ஹனுமாரை கல்யாண ஆஞ்சனேயர் எனக் குறிப்பிட்டு உள்ளார்கள் எனவும் சஞ்சீவி மலையை தூக்கிக் கொண்டு ஹனுமார் சென்றபோது அவருடைய வியர்வை கடலுக்குள் விழ, அதை மீன் வடிவில் அங்கிருந்த தேவ கன்னிகை முழுங்கிவிட அவளுக்கு ஆண் குழந்தை ஒன்று பிறந்ததாகவும் அதன் பின் அந்த தேவ கன்னிகை ஹனுமாரை மணந்து கொண்டதாகவும் கதை உள்ளது என்று கூறுகிறார்கள்.

எது எப்படியோ பல நாட்களாக என் மனதில் மயில் ராவணனின் கதையை நினைத்து இருந்த ஆசையை நிறைவேற்றிக் கொள்ள உள்ளேன். ராமாயணத்தைப் போன்ற மயில் ராவணனின் கதையை நான் பத்து அல்லது பன்னிரண்டு பாகங்களில் விரைவில் எழுத நினைத்து உள்ளேன். பார்க்கலாம்.

Sunday, August 18, 2013

Patabiraman Kavithaigal

 


நம்மை பார்த்து
பொறாமைப்படுபவர்களிடமிருந்து
நம்மை காத்துக்கொள்வது எப்படி? ?



திரு வேணுகோபால் கிருஷ்ணமூர்த்தி 
அவர்கள் கேள்வி

ஆம் கொடுக்கின்ற எல்லாவற்றையும் கபளீகரம் செய்து விட்டு
இன்னும் இன்னும் என கேட்கும் "அக்னியை"விட மோசம்
"பொறாமை தீ:
இதில் இருந்து தப்பிக்க வழி சொல்லவும்...அதாவது
நம்மை பார்த்து பொறாமைபடுபவர்களிடமிருந்து
தப்பிக்க...வழி சொல்லவும் 

பதில்

பொறாமைப்படுபவர்களைப்
பார்த்து மகிழுங்கள் (மனதில் மட்டும்)
அதை வெளிக் காட்டாதீர்கள்.

அவர்களை விட நீங்கள் மேம்பட்டு நிற்கிறீர்கள்
என்பதை உணர்ந்து கொள்ளவும்.

நீங்கள் அடைந்த நிலையை
அவர்கள் அடையமுடியவில்லையே
என்று மனதிற்குள் வெதும்பட்டும் .

அதன் வெளிப்பாடுதான்
அவர்களின் செயல்பாடுகள்,
பேச்சுகள் , தடங்கல்கள்.

அதைப்பற்றி எல்லாம்
கவலைப்படாதீர்கள்.

ஒரு மின் விளக்கில் உள்ள
உலோகத் திரியில் ஏற்படும்
மின் தடையினைப் பொருத்துதான்
அதன் ஒளிரும் தன்மை அதிகமாவதைபோல
உங்கள் செயல்பாடுகளும் பிரகாசிக்கும்.

தடைகளை கண்டு அஞ்சாதீர்கள்.

பொறாமைக்காரர்களிடம் போராடி
உங்கள் சக்தியை வீணாக்காதீர்கள்.

அவர்கள் கடினமான ஓட்டின் கீழே
ஒளிந்துகொள்ளும் ஆமை போன்றவர்கள்.
உங்களை நேரிடையாக தாக்கமாட்டார்கள்..


அவர்களால் உங்களை ஒன்றும் செய்யமுடியாது
நீங்கள் எச்சரிக்கையால் இருந்தால்.

அவர்களிடம் நேரடியாக போராடாதீர்கள்.
உங்களின் நோக்கத்தில் மட்டும்
கவனம் செலுத்துங்கள்.

நங்கூரம் பாய்ச்சப்பட்ட கப்பல்
புயல் காற்றினாலும் ஒன்றும் ஆகாது
என்பதை புரிந்துகொள்ளுங்கள்  .

முகத்தில் புன்னகையோடு அவர்களை எதிர்கொள்ளுங்கள்
அதே நேரத்தில் உங்கள் இலக்கை அடைவதில் முழு கவனமும் இருக்கட்டும்.ரகசியமாக

பொறாமை என்பது ஒரு அழுக்காறு.
அந்த ஆறு எதற்கும் பயனற்று போவது போல்
அந்த குணமுடையவர்கள் வாழ்க்கையும் நாற்றமடித்து
அந்த சாக்கடையிலே அவர்கள் மூழ்கி ஒருநாள் காணாமல் போய்விடுவார்கள்.

Wednesday, August 7, 2013

Pattabiraman Kavithaigal - 2

 

என்னே இறைவன் கருணை!

நமக்கு உயிரையும் உடலையும்
மற்று அனைத்தையும் கேளாமலே
தந்ததுமட்டுமல்லாமல்
அவைகளை நாம் அனுபவிக்க மனதையும்,
துன்பத்திலிருந்து காத்துக்கொள்ள அறிவையும்
அளித்த இறைவனுக்கு ஒவ்வொரு கணமும்
நாம் நன்றி செலுத்த வேண்டும்.

அதற்க்கு நாம் செய்ய வேண்டியது
ஒன்றும் இல்லை.

இறைவனை நாம் நாள்
தவறாமல் பூசிக்க வேண்டும்.



அவனை பூசிப்பதர்க்கு பெரிய ஆடம்பரங்கள்
தேவையில்லை என்று கண்ணனே
கீதையில் சொல்லிவிட்டான்.
ஒரு பூ,ஒரு இல்லை(துளசி),நீர் (தீர்த்தம் )போதும்
என்று சொல்லிவிட்டான்.



சிவபெருமானோ ஒரு வில்வ பத்ரமே போதும்
என்று சொல்லிவிட்டான்.லிங்கம் போதும்
ஆடம்பரமான கோயில்கள் ஏதும்
தேவையில்லை என்று இருந்துவிட்டான்.



அவன் மைந்தன் விநாயகனோ
இன்னும் எளிமையாக்கி விட்டான் வழிபாட்டை.
மண்ணினால் பிடித்து வைத்தாலும்,பசும் சாணத்தினால்,அல்லது மஞ்சளில் பிடித்து அதில் அருகே முளைத்திருக்கும் இரண்டு அருகம்பில்லை என் மீது போட்டால் போதும் அதுவே எனக்கு பரம திருப்தி என்கிறான்.
உடனே அதில் நான் பிரசன்னமாகிவிடுவேன் என்கிறான்.



முருகப்பெருமானோ குவலயத்தில் குன்றுகளின் மீதும்
பக்தர்கள் குடியிருக்கும் இடங்களிலும் வேலுடன் நின்றுகொண்டு நம் வினைகளை தீர்க்கக் காத்துக்கொண்டிருக்கிறான்.
பராசக்தி எனக்கு எதுவும் தேவையில்லை
அம்மா என்று நீ என்னை அன்போடு அழைத்தால் போதும்
உன்னை ஆதரிக்க உன் அருகில் இருப்பேன் என்கிறாள்.

இன்னும் ஒரு படி மேலே சென்றுவிட்டான்
காசி விஸ்வநாத பெருமான்.
நீ கங்கை கரையில் மரணித்தால்
உன் செவியில் உன்னை கடைதேற்றும்
தாரக நாமமாகிய ராம நாமத்தையே நான் ஓதுகிறேன்
என்று காத்து கிடக்கிறான்.



அந்த குறையில்லாத கோவிந்தனோ தன் நெடிய வடிவத்தை குறுக்கிக்கொண்டு மலைமேல் நின்றுகொண்டிருக்கின்றான்
பக்தர்களின் வரவை எதிர்பார்த்துக்கொண்டு யுகம் யுகமாக



அந்த அரங்கனோ ஆற்றின் நடுவே சயனம் கொண்டு .
ஆற்றொணா துன்பங்களை அனுதினமும் படும் அடியார்களின் அல்லல்களைக் களைய  கங்கணம் கட்டிக்கொண்டு  அல்லும் பகலும் உறங்காது அரங்கனாயகியுடன்வழிமேல் விழி வைத்துக் காத்துக்கொண்டிருக்கிறான்.

பண்டரிபுரத்திலோ அந்த பாண்டுரங்கன்
ஒரு பக்தனின் வீட்டில் போய்  கால் கடுக்க
புன்முறுவலுடன் நின்றான். பின்பு அங்கேயே
நிரந்தரமாக தங்கிவிட்டான் வைகுண்டம் போகாது.

இப்படி தெய்வங்கள் அடியார்களை
காப்பதற்காக காத்துக்கிடக்கின்றன.
அழியாப் பதம் அருள

ஆனால் நாம் அவனிடம் அற்ப பொருள்களையும்
அற்ப ஆயுளில் அழிந்து மடியும்
உடல் சார்ந்த சுகங்களை அல்லவா யாசிக்கின்றோம்
என்னே நம் பேதைமை?
இறைவனிடம் அவனைத்தான் யாசிக்கவேண்டும்
அவனைப் பற்றிதான் யோசிக்கவேண்டும்.
அவன் நாமத்தைதான் சுவாசிக்கவேண்டும்.

இறைவன் அருள் பெற்றுவிட்டால்
மற்றவை எல்லாம் கேளாமலே தானே வந்தமையும்
என்பதை உணர்ந்துகொள்ளவேண்டும். .

படங்கள்-நன்றி-கூகுல் இமேஜஸ்

Pattabi Raman Kavithaigal

 

கண்ணா கண்ணா என்று 
கண்மூடி அழைத்தாலே ...

கண்ணா கண்ணா என்று 
கண்மூடி அழைத்தாலே 
கண் முன்னே
வந்து நின்றிடுவான்
கவலைகளைஎல்லாம் 
போக்கிடுவான் 
காலமெல்லாம் உடனிருந்து
கண்ணிமைபோல் காத்திடுவான் 

அன்புடன்  தினமும்
அவன் நாமம்
நாவிலும் நினைவிலும்
ஒலிக்க  விட்டால் 
ஒயாது சலிக்கும் 
மனமும் ஒடுங்கிவிடும். 

அரக்கரை அழிக்க
சீதையின் நாயகனாய்
தரணிக்கு  வந்த இராமனவன் 
அதர்மத்தை அழித்து தர்மத்தை 
நிலை நாட்டிய கீதா நாயகனவன் 

சிலையாய் புறத்தே நின்றிடினும் 
என் அகத்தே நிலையாய்
நின்றருள் செய்திடவே 
ஓதுகின்றேன் அவன் திருநாமம்